Belajar Ichlaash

*Belajar Ikhlas dari Wong Samin*

Simon: "Kang, sampeyan ngasih duit ke si Parjo?"
Samin: "Iya."
Simon: "Sampeyan diapusi, dia itu kaya."
Samin: "Ngapusi aku iku dudu urusanku. Kui urusane dekne karo Gustine."
♡♡♡


Simon: "Lho sendalmu endi, kang? Kok cekeran?"
Samin: "Ilang."
Simon: "Ora mbok goleki sopo sing nyolong?"
Samin: Ora, aku biyen lahir yo ora sandalan."
♡♡♡

Simon: "Kang, sampeyan dirasani karo si Jontor."
Samin: "Ben wae."
Simon: "Sampeyan ora nesu."
Samin: "Lha saiki kowe yo ngrasani si Jontor. Si Jontor yo ra nesu."
♡♡♡

Simon: "Kang, pitikmu dipangan asune si Parman."
Samin: "Wis ben."
Simon: "Kok sampeyan biasa wae? Ora njaluk ganti?"
Samin: "Aku malah kaget nek pitikku sing mangan asune si Parman."
♡♡♡

Simon: "Kang, wis mangan?"
Samin: "Durung."
Simon: "Mreneo tak wenehi duit."
Samin: "Wegah. Aku ra doyan. Panganen dewe yen kowe doyan duit."
♡♡♡

Simon: "Kang, tanduranmu rusak dipangan weduse pak Karjo."
Samin: "Ben. Untung doyane tanduran. Yen weduse doyan papan, malah omahku sing dipangan."
♡♡♡

Simon: "Kang, kowe ki ket mau mlaku ngalor ngidul ora jelas?"
Samin: "Lha yo kui. Nek jelas, mesthi aku mlaku ngalor thok opo ngidul thok."
♡♡♡

Simon: "Kang, klambi sing mbok jemur dicolong uwong."
Samin: "Ben. Wong salahku dewe, aku njemur klambi nang njobo."
♡♡♡

Simon: "Kang, kok mlaku? Sapi sing biasa mbok tumpaki endi?
Samin: "Ilang... he.."
Simon: "Kok malah ngguya-ngguyu?"
Samin: "Lha untunge dicolong pas ora tak tumpaki."
♡♡♡

Simon: "Kang, bayarane Sentot luweh gede timbang kowe, lho."
Samin: "Ben."
Simon: "Kan ora adil?"
Samin: "Adil ora kudu podo. Kowe tak pakani katul podo karo pitik yo emoh to."
♡♡♡

Simon: "Kang, pelemmu dicolong si Tarkim!"
Samin: "Ben."
Simon: "Kok ben?"
Samin: "Lha kowe kok iyik to? Biasane dicolong codot wae aku yo meneng wae."
♡♡♡

Simon: "Kang, jare wingi omahmu kelebon maling?"
Samin: "Iyo."
Simon: "Kok iyo? Brarti sampeyan ngerti?"
Samin: "Ngerti. Tapi aku malah ndelik mergo isin ra duwe barang sing iso dimaling."
♡♡♡

Categories: Tafakkur_Tadabbur, Tazkiatun Nafsi